<?xml version="1.0" encoding="UTF-8"?><song><hymn_number>46</hymn_number>
<time_sig>L.M. 8.8.8.8.</time_sig>
<title>An Chisʋs ʋt ʋba yakni ƲIT46</title>
<lyrics>[V1]
 An Chisʋs ʋt ʋba yakni
 Talaia ka ia hatok:
 Anukcheto li hokʋto
 Yʋmmak o̱ a̱ biekʋshke.

[V2]
 I̱ hina hanta pulla ka
 Foyukʋt maha̱ya li hosh,
 Chisʋs a binili hoka
 Ona likmʋt, pisa la he.

[V3]
 Hopaii ʋhleha moma kʋt
 Ilʋppak a̱ maha̱ya tok.
 A yoshoba i̱ filʋmmit,
 Ai a̱hli bat hieli tok.

[V4]
 Mi̱ko im ata̱ya yokʋt
 Aholitopa bieka,
 Ai iti̱ hullo hina ya̱
 Fohkʋt a̱ya li pullashke.

[V5]
 A si yakohmi pullashke;
 Aiahni li tok hopaki;
 Yʋmohmi cha, sʋlbʋsha hosh
 Ahayuchi li hokʋno.

[V6]
 A yoshoba li hokʋto
 An laua fehnʋt, sʋlbʋshʋt,
 A̱ weki, a̱ palʋmmi hosh
 Yak ahanta li tuk oke.

[V7]
 Yʋmohmit ahanta li ma,
 Chisʋs sai okchalinchi ʋt
 Auet sa hoho̱yo hokʋt
 Auet yak ʋm ahanchi tok.

[V8]
 Ataya 't ʋno ak oke;
 Ʋno a̱ is sa̱ mintashke,
 Achi na, haklo li hayʋt,
 Sa yukpa fehna hokʋno.

[V9]
 Sai okchalinchi a̱hli ma!
 Chiakaiyʋt maha̱ya li;
 Ish ai ahanta hokʋno
 Chim ai a̱hlit ona lashke.

[V10]
 Sai okchalinchi pulla ka
 Ahayuchi li hokʋto,
 Hatak yoshoba puta ka
 Im anoli li pullashke.

[V11]
 Aiahni hosh yak hikiʋt
 Chisʋs im issish hanta ya̱
 Hʋsh pisa chi̱ ka, bihi̱hlit
 Hʋchim anohonli̱ lishke.

[V12]
 Hatak hʋsh moma, ho pesá;
 Chihowa im aiona yʋt
 Ilʋppak o̱ biekʋshke:
 Wakayʋt mont oh im iá.</lyrics>
<aka>Jesus my all to heaven is gone.</aka>
<author>Peter Perkins Pitchlynn</author>
</song>